Soga om folkemusikkarkivet for Rogaland er ei soge om ein kamp frå år til år, tidvis ein kamp frå halvår til halvår, for å skaffe eit minimum av midlar til å drive eit innsamlings-, registrerings- og formidlingsarbeid.  Og det er ei soge om ei kvinne som haldt ut år med usikre arbeids- og inntektsforhold til det i 1996, etter 14 år, blei muleg å tilby ho ein fast, heil stilling knytta til arbeidet. Vi var glade, og tykte det var ein siger, da folkemusikkarkivet endeleg blei oppretta, og vi fekk midlar til fast lønna medarbeidar. Men eigentleg er det ei soge om offentleg fattigdom og mangel på politisk prioritering av kulturområdet.

Tradisjonsmusikken, -songane, og -dansane handlar om glede og sorg, om djup religiøsitet, om erotikk og om eit innhald i kvardag og helg som både knytte seg til og som frigjorde frå handlingar og materielle omgjevnadar. Tradisjonane var ein del av limet som heldt folk saman, men folkemusikken kunne og vera grenseoverskridande og skape utvegar som den enkelte elles ikkje såg i eit tilvere bunde opp i tronge økonomiske og sosiale vilkår.

Vi håper dette heftet både kan fungere som eit førebels oversyn over stoda 20 år etter at det blei spurt om Rogaland var den kvite flekken på folkemusikkartet, og at det kan dokumentere ei tilfredsstillande forvalting av dei pengane som er stilt til rådvelde for arbeidet med å bygge opp eit folkemusikkarkiv i Rogaland.

Pris kr 150,- (frakt kjem i tillegg).

Du kan kjøpe boka i museumsbutikken på Nesasjøhuset.

Bøkene kan også tingast her.

INNHALD

Desse artiklane finn du i årboka, i tillegg til årsmeldinga.

Roy Hæibo; Den kvite flekken på folkemusikkartet

Holger Austvoll; Holger Barkved – samlaren, læraren, musikaren og skribenten

Ingvar Olimstad; Olav Bråtveit – spelemann og felemakar

Halvdan Magnus Hansen og Dag Bjørkedal; Leiv Mæle – treskjerar og spelemann

Sigurd Gjerde; Folkemusikk og spelemannstradisjonar i Strand

Svein Kåreson Søyland; Minner frå møtet med Ivar Fuglestad

Kjell Bitustøyl; Myllarguten i Suldal

Siri Dyvik; Suldalsspringaren

Brit Guggedal; Springar med bestemor

Sigurd Sandvik; Møte med Erik Børkjenes

Vegar Vårdal; Runddans med bygdedansvri – særtrekk ved musikk – og dansetradisjonen i Bjerkreim

Hanne Lund-Johansen; Trekkspill i indre Ryfylke – glimt frå trekkspillets historie frå 1885 til 1950

Ingun Bjorland; Songen etter far og mor

Trygve Brandal; Olav Vigane – eit portrett

Ruth Anne Moen; Berta Rafdal og salmesongen

Dagny Åbø; Songleik og annan leik i Åbø-byen i 30-40 åra

Ruth Anne Moen; «Den runde tonen»

Ernst Berge Drange; Folkemusikarar i Ryfylke på 1600-talet

Ruth Anne Moen; Folkemusikkarkivet for Rogaland – frå felt til formidling

Silje Vige; Ein arkivbrukar fortel

Åshild Vetrhus; Det handlar om nytt hav